e-mykel

PROSA 1, SERYE 2011

In Personal Essay | Personal na Sanaysay, Prosa Serye 2011 | Prose Series 2011 on February 8, 2011 at 4:29 am

Hinahanap ko kanina ang tesis ko. Natagpuan ko sa laptop ang file na may pangalang “Thesis.” Pagbukas ko’y isang nasimulang kuwento ang natagpuan ko. Nakalagay sa ilalim nito’y “Sinimulan around 3:30pm, March 5, 2010.” Nung basahin ko’y inisip ko pa kung tungkol ito saan at kanino. Ang pamagat ng hind-pa-tapos-na-kuwento ay “Pagbibilang ng mga Pulong at Isang Lumang Kuwento ng Pag-ibig.” Pakiramdam ko’y hindi ko pa madurugtungan ang kuwentong ito. May bahagi sa kuwento na hindi ko akalaing naisulat ko:

“Itong lumang kuwento ng pag-ibig ang pinakamahirap sulatin. Hindi mo alam kung paano sisimulan kahit na alam mo naman kung paano ito nagwakas. Sabi ng titser ko, simulan ko sa dulo. Pabaligtad kumbaga. Hindi naman 69, kasi iyon ay mutual na baligtaran. E, ito, tuso itong akto ng pagbaligtad. Kasi mayroon kang gustong balikan; at mayroon kang gustong patunayan. Ito talagang reverse ay talagang pagrorolyo ng panahon at pangyayari. Para kang nagbabalik ng pinagtalupan ng Indian mango. O di kaya’y pagbabalik ng ni-nail cutter, na parang jigsaw puzzle ang pinutol na mga kuko. Iisip ka ng lahat ng paraan para may balikan at may patunayan. Pero puwede rin namang ito’y sadyang pagbibilang lamang ng pabaligtad – para maiba lang – at malaman kung mas mataas ba ang iyong intelligence quotient kaysa emotional quotient. O vice versa.”

Kapag binabaybay ang memorya, may mga puntong sigurado ka at may mga parteng nag-aalinlangan ka. Alin ang dapat isulat, alin ang dapat ikubli? Puwede ring kailangan ko pa ba ‘tong sabihin, samantalang pinagbabakasakali kong alam na naman ito.

Nagsindi ako ng sigarilyo kanina. Umulit pa ako ng isa. Naghugas ako ng kamay. Winisikan ko ang aking mukha. Pinunasan ko ang aking mukha. Nagtuyo ako ng mga kamay at dalawang polseras. Uminom ako ng tsaang pito-pito para panlaban sa pangangati ng lalamunan. Uminom ako ng kaunting malamig na tubig. Uminom uli ako ng tsaa.

Mykel Andrada. Pebrero 8, 2011. 4:22am. Iba, QC.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: