e-mykel

Archive for December, 2009|Monthly archive page

Martial Law at Nakatuping Pink na Papel

In Opinion | Opinyon on December 5, 2009 at 10:19 pm

Nagising ako kaninang umaga ng mga text ni Manay Judy. Actually, nagising muna ako; tapos ay lalo akong nagising dahil nang mabasa ko ang mga text ni Manay Judy ay tungkol ito sa pagtitipon na isasagawa ng BAYAN sa Boy Scouts Plaza sa Timog / Morato para tutulan ang deklarasyon ng Martial Law. Ang una kong naisip ay ito: “Martial Law sa Maguindanao o sa buong Pilipinas? Kung sa buong Pilipinas, ayoko. Kung sa Maguindanao, ayos lang.”

Nakakapagtaka ang ganitong reaksyon ko. Kahit ako mismo ay nawiwirdohan kung bakit sa ilang saglit ay pabor ako sa deklarasyon ng Martial Law. Binuksan ko ang TV. Showtime sa Dos kaya sa paglilipat ko ay sa Channel 4 tiyempong nire-replay ang pag-aanunsiyo ng Martial Law sa Maguindanao. Habang binabasa ang proklamasayon, lalo pa akong naniwala na kailangang na nga siguro ng Martial Law sa Maguindanao: pag-aarmas ng mga pribadong armado ng makapangyarihang pamilya sa Maguindanao. Dagdag pa rito, ipinaliwanag ng Malakanyang na hindi na raw gumagana ang judicial system sa Maguindanao sapagkat walang korte at walang hukom ang gustong mag-isyu ng warrant of arrest.

Siyempre, sa loob-loob ko ay alam kong kahit na anong Martial Law ay hindi nakabubuti para sa alinmang bayan o bansa. Sabi nga ni Manay, baka dahil may sakit ako kaya ganun ang inisyal kong reaksyon. Para nga akong sabaw mag-isip. Pero nung napanood ko na ang ikalawang press con ng Malakanyang para sa araw na ito kaugnay ng deklarasyon ng Martial Law, doon ko napagtibay na hindi naman talaga makabubuti ang proklamasyong ito. Halatang nangangapa na ang Malakanyang sa mga rason kung bakit kailangang magdeklara ng Martial Law, laluna nang pumapailanlang na ang mga batikos ng mga abogado, grupo, mamamayan at mga dating biktima ng Martial Law: suspension ng writ of habeas corpus atbp. May isang reporter nga sa press con na nagtanong kung ano ang politically correct term sa pag-aresto sa ilalim ng Batas Militar: warrantless arrest, arrest, invitation? Walang matinong sagot ang Malakanyang, dahil ang katotohanan ay pag-aresto talaga ito.

Hindi naman ako nakadalo sa kilos-protesta kanina laban sa Batas Militar. Hindi rin ako nakapasok sa dalawang klase ko ngayong araw. Mayroon akong viral infection pero masaya ako dahil pagaling na ako. Epektibo naman ang gamot na tuwing apat na oras kong iniinom. Natuwa rin ako nang sobra, at naiyak pa nga habang naglalakad pauwi, pagkakuha ko ng resulta ng ikalawang blood test ko. Kahapon kasi, sa unang blood test result ko, nakita ng doktor na mayroon akong viral infection. Ordinaryong trangkaso raw, sabi ng doktor sa Infirmary. Yung isa pang doktor ay pinababantayan sa akin yung platelet count. Normal naman ang platelet count ko kahapon: 183; ang normal range ng platelet count ay 160 to 400 something. Kaya kanina, mga pasado ala una, naglakas loob na ako na magpablood test uli. Mga alas dos ng hapon na ako nakunan ng blood sample. Sinabi sa akin ng med tech na alas tres ng hapon ko ito makukuha.

Tumambay muna ako sa KFC sa may Welcome, Rotonda. Pag may mga batang napapalapit sa lugar kung saan ako nakaupo, sa KFC man o sa ospital o habang naglalakad, pinipigil ko ang paghinga at tinatakpan ko ang aking bibig at ilong, para maiwasan kong makahawa ng iba. Hindi ako pinapasok ng doktor sa eskwela para hindi raw ako makahawa ng estudyante. Nang ilang minuto na lang ay mag-a-alas tres na, bumalik na ako sa laboratory sa UDMC. Pero 15 minuto pa raw bago ilabas ang resulta ng aking blood test. Pagtingin ko sa relo ng laboratory at sa relo ng cellphone ko, advance pala ang relo ng aking cellphone. Hindi ako mapakali sa pagkakaupo. Patayo-tayo ako, palabas-labas ng bulwagan ng ospital, dahil marami-raming bata ang napapalapit kung saan ako nakapuwesto. Kinakabahan man ako ay hindi ko pa rin mapigilan na tumingin-tingin sa mga taong may hitsura, hehehehe.

Matapos ang 15 minuto, nakuha ko na ang resulta ng blood test ko. Nakatuping pink na papel, nakalagay ang aking pangalan. Nagdasal ako, nagkrus, umusal ng maikling taimtim na dasal na sana’y normal ang resulta ng aking blood test at sana ay tumaas pa ang aking platelet count. Pagkabukas ko ng nakatuping papel, nakita ko na normal ang Hematocrit ko: 0.42; ang normal range ay 0.40-0.52. Sumunod ay nakita ko ang platelet count ko: 203; tumaas pa ng 20 kumpara sa 183 ko kahapon. Masayang-masaya ako, napaluha sa tuwa. At habang naglalakad sa MMDA Footbridge, nakatingala ako, na parang tinatanaw ang krus ng simbahan ng Sta. Teresita Parish. Umusal ako ng dasal, nagpasalamat, at humiling nang taimtim, na sana ay gumaling na ako completely, na hindi ko mahawaan ang aking mga pamangkin, ang aking nanay, tatay, sina Karen at Mark, at ang lahat ng kapamilya, kina Shiela, mga kapitbahay at kahit sino.

Masaya ako talaga. Salamat po, Papa Jesus, Mama Mary, St. Therese at Baby Jesus! 🙂

Maraming salamat rin sa aking Mommy na sobrang mapagmahal at mapag-alaga! At kay Jerrie na tunay kong kaibigan! Masaya rin ako na okies na ang mommy ni Jerrie! 🙂

* * * *

Ganito ba ang Third World Marxism? Naniniwala ako sa Diyos pero naniniwala rin ako sa ideya ng rebolusyong sosyalista.

Gloria Arroyo’s & Toyota’s Mad Cao; December 2, 2009 Fascism in UP Diliman

In Issues| Isyu on December 3, 2009 at 1:28 am

Chancellor Cao, I’m sure you saw how the Philippine National Police (PNP) brutalized UP students, faculty & administrative staff. You were just there, ogling, inside your new Toyota cultural building. May I remind you that it’s your responsibility to protect the welfare of the UP community. Last time I checked, the word “Chancellor” is still attached to your name. Of course, we did not vote for you. If we were given the democratic right to choose our Chancellor, you know that you will not be in that position.

I guess you were happy with how violently the PNP took care of your community of protesters. Why wouldn’t you be? After all these protesters do not reek in money for UP, unlike your beloved Toyota & George Ty. You are officially a numero uno persona non grata like your idol GMA! And I heard you plan on being the next UP President! Geeeez!

Tingnan mo itong video ng GMA-7. Tingnan mo kung nasaan ka at kung ano ang ginagawa mo. Ikaw pa talaga ang humingi ng presensiya ng PNP. Aba’y talaga nga namang MAD CAO ka!

http://www.gmanews.tv/largevideo/latest/51556/anti-arroyo-rally-in-up-diliman-turns-violent

Huwag Kayo: Tula kina Gloria & Roman at sa Toyota & Ayala

In Poetry | Tula on December 2, 2009 at 2:39 am

HUWAG KAYO
Mykel Andrada

Huwag kayong maniwala
Sa pakulo ng iba,
Na sa UP’y wala nang nagpoprotesta.
Na ang mga estudyante’y bahay-eskwela-
Technohub-bahay na lamang ang ruta
Na laos na ang ED at BMI;
Na ang RTR ay tinalo na
ng Facebook at Multiply.

Huwag kayong malula
Sa tayog ng mga gusali ng Ayala.
Huwag kayong malula
Sa tayog ng mga pangakong
Dito’y inilalako
Ng mga modernong pabrika
Ng tao: tawag dito, tawag doon,
Sagot dito, sagot doon,
Ano na nga ang tawag
Sa mga pabrikang ito
Na may panandaliang sagot
Sa mga tanong ng mundo?
Ano na nga ang tawag
Sa sistemang ito
Na walang pananagutan
Sa sinuman o anuman,
Liban sa kaniyang
Sariling pagkakakitaan?

Huwag kayong magalak sa tuwa
Kung sa loob ng UP
Pati ang kumpanya ng kotse
Ay nagpapatayo na rin ng gusali.
Huwag kayong matuwa sa galak
Kung ang inimbita ng Toyota
Ay ang laging tinotoyong
Panggulo ng bansa;
Tandaang ang kanilang proyekto’y
Edipisyo ng hungkag na progreso:
Una, sa ating lipunan,
Umaarangkada ang kanilang sasakyan
Kahit ang presyo ng langis ay sukdulan;
Kahit saan, kahit kalian,
Walang sagabal sa nagpapapasan.
Ikalawa, aanhin mo ang gusali
Kung ang nakatira ay kotse?
Ikatlo, aanhin mo ang gusali
Kung ang kamay na nagbasbas
Ay may mantsa ng dugong
Di makaskas-kaskas?

Huwag kayong magpatinag
Sa patutsada ng iba,
Na sa UP’y wala nang nagpoprotesta.
Na ang mga estudyante’y bahay-eskwela-
Technohub-bahay na lamang ang ruta.
Na laos na ang ED at BMI;
Na ang RTR ay tinalo na
ng Facebook at Multiply.

Mga artikulo at larawan ng pagkakaibigang kapitalistiko nina:
1. UP Pres. Roman, Gloria Arroyo at ng Toyota: http://www.op.gov.ph/index.php?option=com_content&task=view&id=1633&Itemid=38

2. Toyota Motors’ George Ty at UP Pres. Roman: http://www.up.edu.ph/upnewsletter.php?i=795&archive=yes&yr=2009&mn=1

Sarah Raymundo Tenure Issue: Quick Links

In Issues| Isyu on December 1, 2009 at 11:49 pm

Prof. Sarah Raymundo answers allegations against her. Read it here: http://tenureforsarahraymundo.files.wordpress.com/2009/11/sarahs-reply-to-minority-report.pdf

How about reading her appeal letter to Pres. Roman? http://tenureforsarahraymundo.files.wordpress.com/2009/11/sarahs-appeal-letter-to-up-pres-roman.pdf

Please sign the online petition supporting Prof. Sarah Raymundo’s appeal for tenure: http://gopetition.com/online/32122.html. Thanks! 🙂

Read the November 24, 2009 RUUP Faculty Statement on Chancellor Cao’s Flawed Decision: http://tenureforsarahraymundo.files.wordpress.com/2009/11/final-ruup-omnibus-statement.pdf

Read CONTEND-UP’s Statement: http://tenureforsarahraymundo.files.wordpress.com/2009/11/final-contend-statement-on-sarah-nov1.pdf

Read Chancellor Cao’s Flawed and Unjust Decision: http://tenureforsarahraymundo.files.wordpress.com/2009/11/chancellor-cao-memo-on-sr-tenure.pdf

Read Chancellor Cao’s Flawed and Unjust Decision with Annexes: http://tenureforsarahraymundo.files.wordpress.com/2009/11/complete-chancellor-cao-memo.pdf